Fashion Designer Həqiqət Məmmədova - dəb də incəsənət növüdür və incəsənətdə istedad hər zaman öz rolunu oynayır

 

Həqiqət Məmmədova -  16 Fevral 1991 -ci ildə Gəncə şəhərində anadan olmuşdur.Xarici Dillər Universitetini bitirməsinə baxmayaraq çox seçdiyi istiqamət hər zaman moda sahəsi olmuşdur.Çox uzun dialoqumuz olmasada çox səmimi insan olduğunun fərqinə vardım.Yenədə çox uzatmadan müsahibəmizi olduğu kimi sizə təqdim edirəm.(Suallar əsasında)

1)Məmmədova Həqiqət  ilk tasarımını kimin üçün edib və nədən ilham alıb? 

- İnsanlar müxtəlifdir və biz hər hansı bir dizayna başlamamışdan öncə,insanın bədən quruluşuna,dəri rənginə uyğun seçimlər etməyə çalışırıq.Və bu seçimlərə parçanın rəngi,parçanın növü və geyimin tərzi daxildir.Təbiiki bu müştərinin geyimi hara geyinəcəyindən də asılıdır.

Hər bir geyimin ilham mənbəyi fərqlidir.Mən əlimdəki informasiyanı nəzərə alaraq,hər geyimə öz ilham mənbəyimi qatıram.

İlk dizayn etdiyim libas özümə məxsus idi və altından xətt çəkdiyim bu nüansları həm də öz geyimlərimdə də tətbiq edirəm.

2) Hansı azərbaycanlı  dizaynerin işini bəyənirsiz və digərlərindən fərqi nədir?  

- Azərbaycanlı dizaynerlərdən Aygün Talıbovanı da çox bəyənirəm,digər dizaynerlərimizi də bəyənirəm.Ümumiyyətlə,hər hansı bir Azərbaycan dizaynerinin uğuru məni çox fəxrləndirir və öz işimdə mənə ilham verir.

3) Sizcə moda sahəsinə yeni başlayanlar hardan və necə başlamalıdır?

-Hər bir iş kimi moda da sevgi,həvəs,səbr və yaradıcılıq tələb edir.

Təbii ki,hər bir sahədə təhsillə irəliləmək önəmlidir.

Amma əkbəttə ki  istisnalar olur.Mən düşünürəm ki,dəb də incəsənət növüdür və incəsənətdə istedad hər zaman öz rolunu oynayır.

4) Hər bir uğurlu insana veriləcək ilk sual - Necə başladınız? Niyə məhz bu sahə? 

-Çox gənc yaşlarımdan yaxın rəfiqələrimə,anama,bacıma geyim seçimlərində yardımçı olurdum və başqa insanlara geyim seçmək asan deyil,özümdə bu istedadı kəşf edəndən sonra,baxmayaraq ki,başqa sahədə təhsil almışam,məhz moda ilə məşğul olmağa  qərar verdim.

5) İşlərinizlə bağlı fərqli bir lahiyə gözlənilirmi ? 

- 2020 - ci il özü bizə çox böyük fərqliliklər qatdığına görə,həm də A La Mode Couture,həm Fancy3-də yeni layihələr üzərində işləməyi planlaşdırırıq.

6) Bir mənalı olaraq hər bir biznes sahəsi risk tələb elyir  bizlərə maraqlı olan isə siz bu addimları atarkən hər zaman sizdən dəstəyini əsirgməyən və yanınızda olan kim olub ?

- Hər zaman ailəm,ən başda da anam ən böyük dəstəkçim olub.

Çətinlik isə professional komandanı qurmaqda yarandı,amma qurduğumuz komanda ilə fəxr edirəm. 

7)A La mode couture və Fancy markalarının öz müştərilərin üçün hər hansı sürpriz kanpaniyası gözlənilirmi?

-  A La Mode Couture instagram səhifəsində dəfələrlə yarışlar,kompaniyalar keçirtmişik,izləyicilərimizə hədiyyələr vermişik.

Fancy3 ilə də kompaniyalar gözlənilir,sadəcə biraz irəlilədikdən sonra.

8) Bildiyimiz qədəriylə Fancy 3 yeni payız kolleksiyası üzərində işləyir ? nə deyə bilərsiniz bununla bağlı nə deyə bilərsiz?

-  Fancy3 brendini mənim ortağım Məryəm Muradova ilə birlikdə idarə edirik.Ortağım memardır və biz bu işə məhz iki yaradıcılıq növünü birləşdirmək məqsədi ilə başlamışıq.

Payız kolleksiyası ilə əlaqədar olaraq isə,düşünürük ki,insanlar pandemiya dövründə rahat geyinməyə alışıblar,bunu nəzərə alaraq,klassik və sport tərzləri birləşdirib,həm gündəlik istifadə edə biləcəkləri,həm iş şəraitində istifadə oluna biləcək geyimləri hazırlamağı nəzərdə tutmuşuq.

9)Dizaynerlərlə bağlı hər kəsə marağlı olan tək sualı ünvanlayıram - Məmmədova Həqiqət yalnız öz markasını geyinir yoxsa dəyişiklikdə edirsiz?

-  Qeyd etdiyim kimi,yerli dizaynerlərimizə xüsusi üstünlük verirəm.Təbii ki, özümə yaraşdırdığım və bəyəndiyim yerli və yaxud xarici dizaynerlərin paltarını alıb,geyinirəm.

10) Moda endüstriyası yer üzərində olmasaydı hansı sahə sizin diqqətinizi çəkərdi?

-  İnsanlarda şüuraltı uşaqlıqdan gələn travmalar,ümumiyyətlə insanlarda sonradan yaranan travmalardan azad olmaları üçün onları pozitiv düşüncəyə cəlb etməyi,onlara yardım etməyi çox istəyərdim.

Qısacası psixologiya ilə çox maraqlanıram,hətta bu üzrə ikinci təhsil belə almağı düşünürəm.

11)  Bir çox məhşurların geyimini  dizayn etdiyinizdən məlumatlıyıq bu barədə nə deyə bilərsiz?

-  Təbii ki,gündəmlə olan insanlarla işləmək çox həvəs vericidir,çünki bizim yaratdığımız dizaynı bir kütlə görür və yaxşı rəylər aldıqca işə olan sevgim daha çox artır.

12) Təbiki heç bir iş modeli asan əldə olunmur və bu yolda çox maneələr aşmısız sual isə belədir Qarşınıza çıxan ən böyük manə nə olub?

-  İnsanların güvənini qazanmaq elə də asan deyil,çünki özəl günlərində hər kəs tanıdığı,bildiyi dizaynerlərə müraciət edir.

Odur ki,müştəri kütləsini cəlb etmək o qədər də asan olmadı,amma bəxş etdiyimiz güvən və səliqəli işimiz ilə bu maneəni aradan qaldırdıq.

13) Sahibkarlıq həyatınızdakı ən yaxşı və ən pis anları mənimlə bölüşə bilərsinizmi?  Bu anlardan nə öyrəndin?

-  Təbiiki müştəri kaprizi o qədər də sevilən bir hal deyil və düşünürəm ki,bu hər bir dizaynerlərin çox sıx yaşadığı hadisədir.Ancaq buna baxmayaraq,hazırladığımız gözəl libasları müştərimizin məmnuniyyətlə üzərində daşıdığını görəndə,çox şad oluruq.

14) Gününüzün hansı hissələrini  sosial şəbəkələrə ayırırsız?

- Bildiyiniz kimi, A La Mode,fancy3 və __hagisha səhifələrini aktiv şəkildə istifadə edirəm,hətta _hagishaa səhifəsini çox yaxın bir zamanda influencer kimi irelilətmək istəyirəm.Ona görə demək olar ki,gün ərzində sosial şəbəkədən çox istifadə edirəm.

Çalışıram ki,bu mənim şəxsi həyatıma və işimə maneçilik törətməsin.

15) Son olaraq həyatınızı bir cümlə ilə efadə eləyin desək cavabınız nə olardı?

-Həyat bir cümləyə sığmayacaq qədər çox şaxəlidir,Yəni həyatı bir cümləyə sığışdıra bilmədim.

Son olaraq qeyd eləmək istəyirəmki bizə vaxt ayırıb bu müsahibəni təşkil etməyimizə yardımçı olduğu üçün Həqiqət Məmmədovaya təşəkkürümüzü bildirik.Əlavə olaraq H.Məmmədovanın şəxsi hesabına aşağıdakı şəkili klikləməklə yaxud burdan daxil ola bilərsiz..

Təşəkkürlər...

 

Müsahibə : Səbinə Abdullayeva

Lahiyə Rəhbəri : S.Guliyef